散步的风

线路：
一、水坑尾：（系关闸坐9号车系水坑尾下车再回走就睇到咯）
1、 皇冠蟹粥、竹升云吞虾子捞---水坑尾下310号皇冠小馆）好多虾子呀，未食都已经闻到个D虾子的香味扑鼻而来，云呑D鲜虾好大只，面就一般啦。
2、 、礼记雪糕三文治-----皇冠小馆向前行走波鞋街荷花兰园大马路. 买左件雪糕三文治，食落似食梗威饼，不过里面的夹心系雪糕,几好玩。
3、 、杨枝甘露-------再走五分钟到达塔石球场附近，找到美的路教主街20号。系想试他们的杨枝甘露，今次终于食到落，不过味道一般，但都对得住6蚊呢个价钱。
三、新马路：议事亭前、隆重福新街
1、 潘威记：芝士蛋糕。今次好好彩，潘威记有开门，立刻要左个特浓芝士蛋糕，下面仲有脆皮，味道的确吾错，不过仔仔的评价系：37°2的美国芝士蛋糕香浓D喔，但系呢到的脆皮都几正。
2、 恒友芝士鱼旦同海胆丸、蟹粉蟹子包。仔仔挚爱的恒友芝士鱼旦咯，我仲要左海胆丸，旁边有个澳门女学生介绍我食鱼包蛋，话好正，她特意过来食的，我米要左串咯，芝士鱼蛋就吾使讲咯，肯定正啦，但令我真正有惊喜的系海胆丸同鱼包蛋，鱼包蛋里面包住的系大大粒的蟹子，一啖咬落去蟹子在口中不断爆开，好过瘾呀。海胆丸一咬落去D海胆汁激射出来，整个口腔充满鲜味，哗，好食都吾识点样形容！
3、 草地街礼记果汁。上次同小洁揾来揾去都揾吾到的卖草地街就系前面，原来就系恒友鱼蛋个条街正对面。入到见到礼记果捞，肯定第一时间要个芒果杂果捞啦，仔仔要左杯芒果牛奶沙冰，店员系雪柜拿左杯杂果出来，然后拿左D芒果肉搅成茸，加落杯杂果到，芒果味好浓，杂果好新鲜，13元一杯（小），超值呀。
4、 盛记白粥。从议事亭出来过对面马路的小巷里面行，就会先看见盛记白粥，又一人食左一碗豆腐花先，我仲要左碟芋头糕，发觉澳门的萝卜糕同芋头糕都吾会似我地广州的糕甘会放瑶柱、腊味、虾米，只系萝卜同芋头，味道单纯，原汁原味
5、 添发今日休息喔。仔仔好失望，他最想食的就系煲仔翅咯，点知……接着下来就好吾顺咯。
先系搭车去氹仔，想去食安德鲁葡挞，司机叫我地系咩新世纪下车，然后吾知点去，问左几个人都问正香港游客，无办法，仔仔又话要开大落，就打部的士问司机，去宫也街近还是去路环市中心近呀？司机话梗系宫也街啦。去到解决左问题后，见到莫义记，已经吾想再食冻野咯，仔仔要左个芒果大菜糕，吾知好吾好食，系钜记买完手信，跟住想搭15号车去食葡挞，点知等左半个钟头都未见有车来，反而见到几部22号去三盏灯的，嬲得制上车，去三盏灯食鱼汤面。去番上次同小洁食鱼汤面个到，鱼汤面味道依然甘好，仔仔要左支可乐，有无搞错，一支甁装可乐要6蚊，澳门D可乐点解会甘贵架？
食完鱼汤面后，澳门的为食之旅要结束咯，去到关闸仔仔仲要话食M记咯，唉，好啦，食完过关咯。
今次的为食之旅都好满足，除左安德鲁葡挞同煲仔翅食吾到，其它计划中想食的野都食晒咯，澳门系要我留些少遗憾，下次先会再来，哈哈，拜拜澳门，真系越来越喜欢这个地方咯！

第 1 幅
　　虾子云呑捞面

第 2 幅
　　礼记三文治雪糕

第 3 幅
　　

第 4 幅
　　杨枝甘露

第 5 幅
　　

第 6 幅
　　潘盛记的特浓芝士蛋糕

第 7 幅
　　芝士鱼旦

第 8 幅
　　鱼包蛋，里面包住的系大大粒的蟹子

第 9 幅
　　鲜味十足的海胆丸

第 10 幅
　　

第 11 幅
　　礼记芒果杂果捞

第 12 幅
　　盛记的芋头糕

第 13 幅
　　美味的鱼汤粉

第 14 幅
　　仔仔要食的M记的脆薯皇